Beynəlxalq əlaqələr sahəsində dünyanın ən nüfuzlu jurnallarından biri olan “Foreign Policy” “Yaşayan ən böyük 100 ziyalı” siyahısını açıqladı.
Yüksək yer tutan adlar arasında Fəthullah Gülən və Orxan Pamuk da var. Tərtib
olunan siyahıda İtalyalı yazıçı Umberto Eko, Amerikalı ziyalı Noam Çomski, Alman
filosofu Jürgen Habermas, jurnalist Farid Zakaria, iqtisadçı Məhəmməd Yunus və tarixçi
Bernard Levis kimi məşhur adlar var. Namizədləri seçərkən istifadə etdiyi kriteriya,
“Öz sahələrində müstəsna mövqeyə sahib olub, öz ölkələrinin sərhədlərini aşaraq
daha geniş sahəyə təsir etmə nüfuzuna sahib olması,” şəklində yekunlaşdıran jurnal
sıralamanı isə oxucuların ixtiyarına buraxacaq. Bunun üçün internet saytında bir
anket doldurma kampaniyası başladıldı.
www.foreignpolicy.com ünvanına girənlər
100 ziyalı arasından seçdikləri 5 nəfərə səs verə bilərlər.
“Foreign Policy” hazırda yaşayan ən böyük 100 ziyalını İngiltərədə çıxan
“Prospect” jurnalı ilə ortaq təyin etdi. Jurnalın hazırladığı ziyalılar siyahısının
dini liderlər kateqoriyasında Fəthullah Gülənlə yanaşı Papa 16-cı Benedikt, İslam
alimi Tarık Ramazan və Yusif əl-Kardavi var. Siyahıda iştirak edən 2 ekoloq, 4 din
xadimi, 6 aktivist, 6 tarixçi, 6 lider, 8 sənətçi və roman yazıçısı, 8 jurnalist,
8 elm xadimi, 8 filosof, 11 iqtisadçı və 17 siyasət alimindən bəziləri var: “Sosioloq
Slavoj Zizek, iqtisadçı Məhəmməd Yunus, Nobel Sülh mükafatını alan ABŞ-ın köhnə
Prezident Köməkçisi Al Gore, tarixçi Bernard Levis, İngilis yazıçı Kristofer Hiçens,
Çexiyalı dövlət xadimi Vaslav Havel, “Nyu York Times” qəzetinin müxbiri Tomas Fridman,
politoloq Fransis Fukuyama, İraqdakı Amerikan silahlı qüvvələrin komandiri General
David Petrus, Nobel Sülh mükafatı laureatı İranlı aktivist Şirin Əbadi və Rus şahmatçısı
Harri Kasparov. Jurnalın redaktorları siyahını tərtib edərkən istifadə etdikləri
meyarları da belə açıqlayır: “Bu siyahıdakı ziyalılar dünyadakı ən dolaşıq mütəfəkkirlərdən
bəziləri olduğuna görə, siyahını hazırlayarkən istifadə etdiyimiz meyarlar bundan
daha sadə ola bilməzdi:
Namizədlərin yaşaması və hələ də ictimai həyatda fəaliyyət göstərməsi. Sahələrində
müstəsna mövqeyə sahib olub, eyni zamanda öz ölkələrinin də sərhədlərini tez-tez
aşaraq daha geniş sahəyə təsir etmə nüfuzuna sahib olması.”
Siyahının üçdə ikisini Amerikalı və Avropalı ziyalılar təşkil edir. Daxilində
Türkiyə də olduğu Orta şərqdən 11 ziyalının adı var. 100 ziyalı ad arasından ilk
20-i təyin etmək üçün bir anket də tərtib edən jurnala
www.foreignpolicy.com ünvanından baxıla
bilər.
